Squat chu exercise lak dan chikhat a ni a, ke karin an ding ngil a, chutah kaihza tithlepin an thu hniam a, kaihza hi 90 degree vela thlep tur a ni. Mawng tipoh lovin thut hniam tur a ni a, khup chu hmalamah tih chhuah tur a ni lo va, kezungpui zawn hnunglamah a awm tur a ni bawk.
Illinois a cheng, Tony Piraino chuan darkar 24 chhungin squat vawi 26,100 a tihman a, Guinness World Record a siam. A hmaa hetiang record siamtu chu Rhode Island-a cheng Joe Reverdes-a’n 2020-a a siam niin, darkar 24 chungin vawi 25,000 a squat thei a ni.
Piraino hi Ningani kalta zing dar 5 atanga squat tanin, Zirtawpni zing dar 5-ah a zo a. Vawi 22 a squat apiangin second 30 a chawl zel a, hei aia a chawlh rei deuh tum te pawh a awm.
Darkar 24 chhunga squat hnem record siam
