Mamit District kawngthlang lam panna kawng, Darlak leh Tuidam inkar kawng (Kawnghlui lam leh Kawngthar lam NH-44A/108) chu fur khua a nih avangin kawng a nal a. Hei vang hian mihring himna leh bungraw chhe tur venna atan Darlak leh Tuidam inkara lirthei tlan dan tur chu Mamit district SP chuan a siam thar.
Darlak leh Tuidam inkar kawng thar, NH-44A/108 lamah hian lirthei, LMV leh a hnuailam zawng chiah tlan tawh tur a ni a/ Lirthei khalhtute leh passenger-te him tlanna tur a nih avangin thupek hi lirthei khalhtu zawng zawngin zawm theuh tura ngen leh hriattir an ni. Thupek bawhchhia chu US 179 MV Act hmanga hrem theih an ni ang tih a sawi a ni.
MMV leh HMV tan tan zing dar 5.00 atanga chawhnu dar 2.00 inkar hian Tuidam lam atangin chhuk zawngin tlan tur a ni a. Chawhnu dar 3.00 atanga tlai dar 4.00 inkarah Darlak lam atangin chho zawngin tlan tur a ni thung.
Darlak – Tuidam inkarah lirthei tlan dan tur siam
