David Memorial Chess Championship
Mizoram Chess Association (MCA) buatsaih FIDE rating tournament nimina khelh zawh tak 12th David Memorial Chess Championship 2024-a category ngaihhlut hlawh ber open category-a h LIC of India hminga chhuak Grand Master (GM) Sriram Jha a thiam ber.
Tuma Glass Centre, Lower Chanmari sensoa nithum chhung Ramhlun Indoor Stadium-a khelh he championship ngaihhlut hlawhah hian player 108 an chhuak a; a tam ber hi Mizoram district pakua atanga chhuakkhawm an nih laiin GM Jha of LIC of India tiamin state pawn player 10 an rawn inlan a, AICF hruaitu mi pahnihin championsip an thutchilh bawk.
He tournament zawh fel taka player chhuak naupangber chu Tlangnuam naupang kum nga mi Phillip Muanawma niin, player upaber pawh Tlangnuam tuiliak tho, kum 72 mi Sangkhuma a ni.
Best unrated player atan Bungkawn player H. Thangchemsanga thlan niin, best girl under 9 chu Joan Lalmuanpuii; best girl under 11 atan Anwasha Kundu; under 11-ah Adela Zonuntluangi.
Chief arbiter hi Agartala atanga lo kal international arbiter Anupam Bhattacharjee niin, senior national arbiter pahnih P. Lalchuanpuii leh Micky Lalmuanpuiate’n an puibawm.
Championship kharna inkhawm hi MCA president Er. Lalchhuana’n a kaihruai a; sponsor Lalzampuii w/o David Lalrinawma (L) chuan thu a sawi bakah an chhungkaw mi leh sate’n lawmman an sem nghal bawk a ni.
David Memorial Chess Championship
