|um khata Guinness World Records title kawl hnem ber record siam tum David Rush chuan record thar a siam leh ta a, tihian tuna Guinness World Records title a kawl lai chu 180 a tling ta a, record dang pakhat a siam belh leh chuan tum khat GWR title kawl hnem ber record a ni dawn ta. Mahse, he record dang pakhat a siam leh hmaa a record siam sa midangin an lo khum palh hlauh chuan record hi a la siam leh dawn rih lo tihna a ni.
David Rush record siam thar hi minute khat chhunga chopstick hmanga balloon vawm keh hnem ber record a ni a, minute khatah balloon 55 a vawm keh hman.
He record hi Rush hian a hma pawhin a lo siam tawh a, a record hmasa chu minute khatah balloon 24 vawm keh hman a ni a, mahse, midangin balloon 28 vawm keh hmanin a record an rawn khum a, chumi hnuah minute khatah balloon 41 vawm keh hmanin record a siam leh a, he record pawh hi midangin balloon 47 vawm keh hmanin an rawn khum leh a, tuna balloon 55-in Rush-in record a rawn siam leh ta a ni.
Record siam tur hian bakah lehkhakhawm hlai tak tarin, chutah chuan balloon hampuar sa a char bet teuh a, chu chu chopstick hmangin a vawm keh ta a ni.
David Rush hian Guinness World Records hrim hrim hi chu 300 chuang a siam tawh a, mahse, a record siam hi midang an rawn khum ve leh thin a, hei bakah hian record thenkhat chu ama record a khumna te a bawk a, tunah hian record title a neih lai chu 180 a tling ta a, tihian Italian record breaker Silvio Sabba record a nih rual ta chiah a, record dang pakhat siam belh a, tum khata record title 181 a neih theih chuan tum khata GWR title kawl hnem ber a ni dawn ta a ni.
David Rush-a’n record a siam leh ta
