DC office-ah revenue chang
bik tur SDC siam a ni dawn
– Revenue minister
Deputy commissioner office-a sub deputy commissioner zingah revenue chang bik tur sawrkarin ruat a tum tih Revenue minister B Lalchhanzova chuan a sawi.
Mizoram Civil Service 2025 batch mi 17 chuan Thawhtanni atang khan revenue kaihhnawih bik zirin Land Revenue & Settlement department hotute hnuaiah an intuaihriam tan a. Department hna kalphung bakah ram teh dan phung an zir ang.
A hawnna hmanpuitu LR&S minister B Lalchhanzova chuan India rama civil service hlawm lian IAS leh state civil service-te chu an revenue mi leh sa em em a, thuk takin Revenue department enkawlnaah an tel tih a sawi a. Settlement officer chu assistant commissioner (Revenue) a thlak a ni mek a, hei hian revenue administration-ah nghawng tha tak a neih an beisei tih sawiin, “DC office-a sub deputy commissioner zingah SDC (Revenue) designate tum a ni a. MCS officer lut tharten service-a in luh tirh phat atangin revenue experience in nei thei tawh tur hi, in service zel atana thil pawimawh tak a ni dawn a ni,” a ti.
MCS exam laia general studies-a Ethics paper chu a taka hman hun a ni tih B Lalchhanzova hian a sawi a. Dikna leh rinawmna kengkawh a, a dawrtu mipui lakah hawihhawm tak, zahawm sia kalpui thin turin a chah.
DC office-ah revenue chang bik tur SDC siam a ni dawn – Revenue minister
