DD hotu in Lunglei tlawh
Doordarshan Aizawl news director Nampibou Marinmai, IIS chuan Ningani khan Lunglei tlawhin, Lungleia sawrkar mi pawimawh thenkhat a kawm bakah hmun pawimawh thenkhat a tlawh.
DS news director hian Lunglei SP J Lalmuankima chu a pisaah tlawhin, chanchinthar puanzar kawngah thurawn leh rawtna tha zawk awmte an dawnsawn theih reng thu a hrilh a. Doordarshan chuan police leh mipui nen thawhhona tha neih an ngaipawimawh, tiin, Lunglei SP pawhin dan leh thupek kenkawh chungchanga hma an lakna hrang hrang a lo hrilh a. Lungleia raltlan awm mekte chu DDK news thawktute leh police nen tanghoin bihchian hna thawh ho tul a tih thu a sawi a ni.
DD hotu Nampibou Marinmai hian District I&PR office pawh tlawhin, thawktute nen an inkawm a. Lunglei hming put chhan Lung-lei a tlawh a; Mizorama biak in hmasa ber, BCM Sethlun biak in leh Ramthar Venga raltlan chenna hmun a tlawh bawk.
DD hotu in Lunglei tlawh
