Ryan Reynolds leh Hugh Jackman channa ‘Deadpool and Wolverine’ trailer chuan movie trailer zinga darkar 24 chhunga entu ngah ber record a siam a, Guinness World Records-in nimin khan record an siam tih hriatpuina certificate an hlan.
He record hi February thlaa an siam kha a ni tawh nain, nimin khan certificate hi an hlan chauh a ni. Deadpool & Wolverine trailer hi Super Bowl LVIII-ah khan premiere a ni a, an tihchhuah atanga darkar 24 chhungin he trailer hian vawi maktaduai 365 en a hlawh hman a, Guinness World Records a siam ta a ni.
‘Deadpool and Wolverine’ hi nimin khan cinema hall-ah an chhuah tan ta a, India-ah kumina advance booking record siamin, cheng vaibelchhe 14.61 advance booking-ah a tling nghal a, kumina India-a cinema hall advance booking tam ber a la ni. Advance booking hi Zirtawpni zan atan chauh niin, ticket 4,25,000 vel a ni.
‘Deadpool and Wolverine’ trailer-in record siam
![](https://theaizawlpost.org/wp-content/uploads/Clipboard01-1978.jpg)