Sorkar laipui chuan December 1 atangin Sim card rules thar a kalpui dawn a. October 1 kha hman tan tura tih a ni zawk a, mahse, thla hnihin sawn hlat a ni.
SIM lem avanga scam leh inbumna tam tak tihtawp a nih theih nan Department of Telecommunications chuan SIM card lei leh hralhah dan thar a siam ta a ni. He dan thar hi December 1 atangin hman tan a ni ang.
SIM lem hmanga scam turu tak tak kalpui a nih avangin Central sorkar chuan tuna a dan thar siam chu khauh taka kalpui a tum a. Hremna zingah pawisa chawitir mai bakah lung in tantir te thlengin a huam a ni.
SIM card dealer te chuan SIM an hralh hmain mandatory verification, Registration an patlang vek a ngai tawh dawn a, dan zawm lo te chu cheng nuai 10 chawitir theih an ni.
Customer te SIM card an number ngaia la duhte tan Aadhaar scanning leh demographic data collection tih a ngai tawh bawk a.
SIM tum khata pekchhuah vak bituk siam niin mimalin SIM card a lakchhuah dawn pawhin sumdawnna nena inkaihhnawih chauhin a ni tur a ni a, mahse, mi pakhatin SIM card 9 thlengin a la nei thei tho ang.
SIM card hnawl a nihin a number chu midangin a hman hmain ni 90 nghah a ngai bawk a. SIM vendor tin te chu an inziah luh vek a ngai tawh dawn bawk.
December 1 atangin SIM card dan thar
