Pathianni zing dar 7 khan Delhi-a Doctor te chuan sorkar-a an thil phut chi hrang hrang tih hlawhtlin ngiat-in kawng an zawh a, Maulana Azad Medical College atangin Rajghat thlengin kawng zawh hi an nei a ni. Delhi Medical association bultum-a he kawng zawhna hi huaihawt niin sorkar-a an thil phut hrang hrang – kangmei laka invenna, hospital tana house tax siamrem leh doctor-te tana dinhmun tha zawk beisei tih te hi an kawng zawh chhan tamtak zinga a langsar zualte an ni. Dr. Arun Gupta, Chief Coordinator of Delhi Medical Association chuan an kawng zawh boruak chu sawiin, “Keini health care workers te hian thlamuang takin Maulana Azad Medical College atangin Rajghat thlengin October 29, 2023 zing dar 7 khan kawng kan zawh a ni” tiin a sawi a, “Hun rei tak tawh atangin damdawi lama thawktute hi khawtlang mipuite leh sorkar thuneitu te hian dik lo takin min enkawl thin a. Vawi tamtak beihna tuartute kan ni thin. Kan thiamnate anga hnathawk thei loin hun tam tak phuar beh kan ni a. Keimahni leh mipui zawng zawngte pawhin keini Doctor te lungngaihna min hriatthiam pui turin Delhi Medical Association te kaihhruaina hnuai ah health care workers zawng zawng ten kawng kan zawh a ni,” tiin Dr. Arun Gupta chuan a sawi a ni.
Delhi Medical Association (DMA) President, Dr. Ashwini Dalmia chuan Doctor te thil phut chiang taka sawiin, “Doctors te hian thil phut tam tak kan nei a , a pawimawh ber te zingah chuan vawi tam tak healthcare hnathawktute kut thlakna thleng fo thin hi a ni,” tiin a sawi a ni. Dalmia chuan,”Mumal taka doctor thliarhran te, Doctors te senior dan vawn fel te, PCPNDT dan siam that te, Insurance company awp behna dan khap te, tualchher damdawi advertisement hmanga tih chhuah fo khap te leh digital hmanga health services zawrh khap te hi thil tamtak zinga kan mamawh la thlen tur te zing ami a ni,” tiin a sawi a ni. Doctor te thil phut zingah hian naute lo piang tur mipa leh hmeichhia a nih lo hriat lawk theihna hi khap tlat niin Pre-Conception and Pre-Natal Diagnostic Techniques (PCPNDT) Act, 1994-in a khap tlat a ni.
Delhi-a Doctor ten kawng an zawh
