Air Canada flight passengers 300 lai mai phurtu chu Inrinni kal ta khan Delhi panin Toronto a chhuahsan a mahsa thlawhnain a kawng a zawh lai hian Boeing 777 chu a khawl lam (technical issue) chian loh chhuanlamin Baku-h tum tir a ni.
Boeing 777 hian 8.05 PM-ah Toronto hi a chhuahsan a 3.39 PM Sunday-ah Baku-ah a tum a ni (anmahni tual chhung Sana ve ve a ni). Passengers te chu thlawhna dang nghakin Baku-ah an tal buai nasa em em a, airport-ah mangang taka awmin leh an hun tawn chhe ber mai niin complain-na te an thehlut nasa em em a, a then te chu chhuatah te an mut mai mai thu report dawn a ni.
Air Canada thupuangtu chuan, “Sunday zanah thlawhna thlaktu tur dang Baku-ah a lo thleng dawn a, passengers zawng zawngte Delhi lamah in thlawk leh vek ang. Helai Sana-a dar 12:45 hian lo tum tura beisei a ni,” tiin a sawi a ni.
Jagdeep Bailey, he thlawhnaa chuang ve passenger chuan a Tweets-na ah ti hian a sawi, “Air Canada flight chu Toronto atanga chhuakin Delhi pan tur a ni a, mahse emergency chhuanlamin Haydar Aliyev International Airport (Baku), Azebaijan-ah kan tum ta daih a ni.
He thlawhna – Air Canada-a chuang ve staff te pawh an thinrim hle a ni. He thlawhna hi khawiah nge a tum dawn pawh passengers te hrilh kan ni lo a, eng ruahmanna nge beisei tur awm tih pawh hrilh kan ni lo. A bik takin hmeichhia naupang hruai te leh upa zawk te, damlote tan a buaithlak zual bik a. Thlawhna a thawk staff te chuan airport chhuahsanin khawpui lamah zan hun min hman san veka passengers te chu airport-ah min kalsan vek a ni.
Thlawhna dang lo kal leh tur chu darkar 20 chuang lo nghah a ngai leh daih tawh si a, passengers te tan kalna tur hmun dang a awm lo a. Passengers tam berte hi India mite kan niin tawng chungchang ah harsatna a awm a, chaw ei tur awm lo, mutna hmun tur awm bawk si lo, thlawhna-a thawktute biak tur awm bawk si lo,” tiin an harsatna tawh dan te a sawi a ni.
Hemi chungchang hi Air Canada lam chuan sawi ve lehin, “Baku lamah hian kan thlawk ngai lo a, mahse lei lam leh thlawhna thilah tanpuina kan lak a ngai a, hemi avang hian thlawh kawi phalna kan hmuh velah Baku-ah hian kan tum ta a ni. Airport-ah hian chaw ei tur te kan chhawp vek a, passenger te chawlhna tur hotel pawh kan ruahman vek a ni.
Azerbaijan thuneitute nen thawkhoin airport pawna kal duh te tan temporary visa te pawh kan siam tir a, mahse passengers zawng zawng te chu hotel-ah kal duh loin airport-a lo nghah mai an duh zawk a, a then te erawh-in visa an hmu thei lo a ni. He kan dinhmun hi customers te tan a rem lo tih kan hria a, mahse an lakah that kan chhuah nasa ve hle. Mahse, mihring himna hi kan ngaihpawimawh ber a ni a, tunah chuan him taka an kalna tur hmun theuh an pan thei ta hi kan lawm em em a ni” tiin an sawi ve thung a ni.
He thlawhna hruai kawi a nih thu-ah hian tunlaia India leh Canada sorkar te inhmuh thiam loh thil nena inkaihhnawih thil vang a nih theih thu engmah sawi a awm lem lo a. Air Canada te chuan an Tweet naah “AC42 Toronto to Delhi, passengers 300 lai mai phur B777 hi fimkhur thilah Baku lama thlawh kawi tir niin him takin a tum thei a. Thlawhna dang rawn tirh vat niin him takin passengers ten an tum ram theuh an thleng thei a ni,” tiin an dinhmun sawifiahna an siam zui nghal bawk.
Delhi-a tum tur Air Canada chu Baku-ah \um tir thut
