Delhi airport-in khaw awm dan tarlan thin ngaichang turin ngen

Delhi airport-in khaw awm dan tarlan thin ngaichang turin ngen
Delhi airport chuan boruak bawlhhlawh a nasat em avangin an huamchhunga thlawhna hmanga zin turte chu thlawhna update leh khaw chin awm dan tarlan ngaichang tel thin turin a ngen thar.
Delhi boruak hi nimin thleng khan AQI 421 ah a awm a. Anand Vihar, Ashok Vihar, Bawana, Jahangirpuri leh Alipur telin hmun hrang hranga AQI value chu 400 atanga 470 inkar niin, hei hian boruak quality hlauhawm chhinchhiahna a la tling phak a ni.
Central Pollution Control Board (CPCB) pawhin tualchhung boruak awm dan chu tha lo tak zelin a la dah a, khawvawtin a nuai chhunzawm avang hian thlawhna hmanga zin veivak turte pawh flight awm dan ngaichang reng tur leh khaw chin update en reng tura ngen an ni.
Ram khawpui hi boruak tha lovin a chenchilh reng bakah, khawvawtin a hmeh zui avang hian a paw chuai reng a, hei vang hian thlawhna lut leh chhuak tam takin harsatna tenau tawkin, airport thuneitute chuan chhiatna a thlen loh nan fimkhurna tur an tichhuak deuh reng bawk a ni.