Delhi CM in ningani chawlhah puang
Delhi Lieutenant Governor VK Saxena-a’n November ni 7 a chawlh puang tura ngenna chief minister hnena lehkha a thawn hnuah, zirtawpni khan Delhi chief minister Atishi chuan Chhath Puja lawm nan November ni 7 chu vantlang chawlhah a puang.
Chhath hi Hindu festival lian tak niin, a bikin Bihar state leh Uttar Pradesh hmarchhak bialah hman nasat thin a ni.
Atishi chuan chawlh puan a nih thu a sawinaah, ‘Delhi sorkar in November ni 7 a Chhath Kut chawlh a pe che u hi lawmawm ka ti hle a, ropui taka Kut hmang turin duhsakna ka hlan a che u,’ a ti.
He Kut hi pathian biakna atana buatsaih thin niin, ni li chhung awh tur dan khauh tak tak zawm tur a awm a, a hmangtute chuan urhsun thei ang berin, kawng hrang hranga inserh hran nan an hmang thin. A hmang nasa zualte chuan chaw nghei te, ni chhuak leh ni tlak hmaa tawngtaite, inbual thianghlimte, tuia ding chunga ngaihtuahna hmante an ti nasa thin hle a ni.
Delhi CM in ningani chawlhah puang
