Aam Aadmi Party (AAP) chuan an CM ni lai Kejriwal an banna a thehluh hnuah CM thar atan Atishi an nei leh tawh a, ani hian a cabinet tur zingah lawmaker Mukesh Ahlawat hming a sawi.
Inrinni hian Delhi CM thar lakluhna hi neih a ni dawn a, hemi hunah hian Atishi hian a cabinet turte a hruai tel ngei a ngaih tawh avangin cabinet thar inrinsiakna a lian chho hle a, Ahlawat hi a hmasa berah puan a ni ta phawt a ni.
AAP lam sawi danin, cabinet tharah hian Saurabh Bhardwaj, Kailash Gahlot, Gopal Rai leh Imraan Hussain ten an awm dawn nia sawi a ni a. Tin, Ahlawat hian social welfare a chang dawn bawk nia sawi a ni a, Raaj Kumar Anand a thlak dawn nia sawi a ni. CM thar tur hnen atang erawh chuan thuchiang engmah a la hriat theih loh thung.
Atishi hian finance, pwd, education, power, women and child development, etc. te a chang dawn nia sawi a ni a, nasa taka cabinet hi siksawi niin, Kejriwal phei chuan eng portfolio mah a chang dawn lo nia sawi a ni bawk.
Delhi CM thar hnuaia cabinet hmasa ber tur Mukesh Ahlawat
