DELHI INTHLAN: Congress-in thalai hna nei lo tan Rs 8,500 tiam
Congress chuan Delhi inthlan turah thuneihna an chang a nih chuan thalai hna nei lote hnenah an inzirna turin kum khat chhung Rs 8,500 pek an tiam.
Pathianni khan hei hi puangin suma mi an puihna tur hi ‘Yuva Udaan Yojana’ hnuaiah a ni dawn a, a thlawn erawh a ni dawn lo tih AICC General Secretary Sachin Pilot chuan thuthar lakhawmtute hnenah a sawi.
“Company, factory leh organisation-a theihna leh thiamna nei tih tilang thei thalaite chu suma puih an ni dawn a, , pawisa hi company kaltlangin an dawng dawn a. Scheme hnuaia pek tur niin thu chunga pawisa dawn ang erawh a ni dawn lo a ni,” tiin Pilot chuan a sawi.
“Heng sum dawngtute hi chuan an pawisa dawn hmangin training an nei ang a, an theihna neih sa chu an tipung thei dawn a ni,” a ti bawk.
January 6 khan Congress hian ‘Pyaari Didi Yojana’ an tih, Delhi-a an tling a nih chuan hmeichhiate hnena thla tin Rs 2,500 an pekna tur scheme an lo puang tawh a. January 8 khan party hian ‘Jeevan Raksha Yojana’ an tih, a thlawna tih tur health insurance, Rs. nuai 25 thleng lak theihna tur an lo puang tawh bawk.
Member 70 awmna Delhi Assembly hi February 5 hian an inthlang dawn a, February 8-ah vote chhiar tur a ni a, tun lai hi campaign vung vanglai tak a ni.
DELHI INTHLAN: Congress-in \halai hna nei lo tan Rs 8,500 tiam
