Supreme Court chuan June 13 khan Delhi sorkar chu Himachal Pradesh in top court thupek hnawla tui chuang liam Delhi pek tur a nei lo a tih hnuah Yamuna River Board (UYRB) chu water supply chungchangah be turin a ti.
Vacation Bench of Justices Prashant Kumar Mishra leh Prasanna B. Varale chuan Delhi sorkar chu UYRB hnenah humanitarian ground a national capital a tui pe tura ngen turin a ti a.
A hmain Himachal Pradesh sorkar chuan SC hnenah tui 136 cusecs Delhi hnena pek tur a nei lo a lo ti tawh a ni.
Bench chuan Yamuna tui State tena insem chu sensitive issue leh khirhkhan tak a nih avangin interim basis tak ngial pawha thutlukna siam turin technical thila thiamna a nei lo a ti bawk a.
“He issue hi kum 1994 a memorandum of understanding ziaktu party te inremna siam te ngaihtuah tura dah tur a ni” a ti bawk.
Delhi sorkar chuan top court hnenah Himachal Pradesh in national capital hnena water crisis a tawn avanga puihna tura Haryana hnena tui a pek chu tichhuak tura a ngenna court-in a ngaihtuahna kalzel a ni.
Delhi tui harsatna avangin buai zel
