District Election Officer, Champhai District James Lalrinchhana chuan nimin khan Champhai District chhung Samthang leh Vaphai khuaa Polling Station-te tlawhin a enfiah.
General Election to Lok Sabha, 2024 atana inpuahchahna kalzelah vote thlakna tur hmun Polling Station hrang hrangah hmanraw mamawh, awm ngei tura tih Assured Minimum Facilities (AMF) a awm em tih hi Election Commission of India chuan a ngaipawimawh hle a, tun dinhmunah Champhai District chhunga Polling Station 84 ahte Minimum Assured Facilities a awm \ha a ni.
He hunah hian Polling Station atana tul hrang hrang leh awm ngei tura bituk Assured Minimum Facilities (AMF) hnuaia ngaipawimawh heng Polling Station kalpawhna kawng, tui in tur, power supply, inbiakpawhna signal, wheelchair luhna ramp, toilet, vote thlaktute intlarna leh luh chhuahna, bungraw mamawh bakah Polling Station hmunhmate enfiah a ni.
DEO-in Polling Station-te enfiah
