Minister Robert Romawia Royte chuan a department chan zinga pathum – Sports & Youth Services, Tourism leh Information & Communication Technology hnuaia project hrang hrang zawh tawh hawngin, thawh hmabak sum sanction tawhte lungphum a phum.
Minister chuan kum 5 tling dawn department pathuma thawktu officer leh staff-te nen thawhhona tha tak neia hma an lo lak tawhnaah lawmthu a sawi a. Tuna hawn tak project tarchhuah ho, a vaia belhkhawma cheng nuai singkhat chuang chu sawrkar laipui atanga sum haichhuak a, thawh zawh leh thawh tur awmte department thawktute nena an thawhhona leh an thahnemngaihna zar a ni tih a sawi. Mizoram mipui tam tak tana tangkaina thlen tur a nih ngei a rin thu a sawi bawk.
Hmasawnna hnathawhte hlawhtlin chhan pakhat chu, a tir atanga langtlang taka kalpui a nih vang a ni a. Sawrkar inrelbawlna tha nei tura langtlang taka thil kalpui a tul angin, project hrang hrang pawh mipuiin an hriat turin a tir atanga pholan hi thil tangkai tak a ni,” Robert Romawia Royte hian a ti.
Department 3-a hnathawh hawng
