Mizoram Upa Pawl, District Hqrs Khawzawl Assembly vawi 2-na chu Thawhlehni khan Khawzawlah hman a ni a, Tuichang bialtu MLA, deputy chief minister Tawnluia’n a hmanpui.
Deputy chief minister chuan kum upate chu khawtlang leh kohhran rawngbawlna kawnga thawhhlawk tak an ni thin chu fakawm a tih thu a sawi a. Taksa chaklohna avanga engmah ti thei lo tura indah ngawt loin, finna leh remhriatna Pathianin min pek hmang tangkai a, tar chhia tih tawngkam hmang ve lo turin a chah.
Mahni phaktawk leh theihtawk an hriat a tul thu sawiin, tangkai theihna an la nei a ni tih hriaa nun an hman a ngai tih Tawnluia hian a sawi a. An tawnhriatte chhawr tangkaia thalai zawkte thurawn petu leh midang tana malsawmna nih tum turin a sawm a ni.
Deputy CM-in MUP Assembly hmanpui
