Dhania thatna
Coriander an ti a, Dhania/dhanya tiin kan hre lar zawk awm e, he hnim ei mi hi chawhmeh tih rimtui nan kan hmang uar hle a, a thatna erawh kan hre hranpa kher lo mai thei. Chawhmeh a tih tui mai piah lamah taksa hrisel nan a lo tha hle a, tun tumah hian Times of India health section dhania thatna an sawi te kan rawn tarlang dawn e.
1. Blood sugar level a tihniam thei.
2. Chaw paitawihnaah mi a pui a, pum nuamlo leh rila gas tam (flatulence) te pawh a veng thei.
3. Salmonella bacteria lakah mi a veng thei. Chu chu kan ei leh in atanga kai theih a ni.
4. Anti-inflammatory properties a neih avangin arthritis (ruhseh) tan a tha hle.
5. Zungkawng lam natna (urinary track infection) lakah mi a veng thei.
6. Luakchhuak tideuh nghulh a tireh thei.
7. Cholesterol chhe chi (LDL) a tihniam a, cholesterol tha chi (HDL) level a tisang ve thung a, chuvangin lung (heart) tan a tha hle.
8. Dietary fibre, iron leh magnesium a pai hnem.
9. Phytonutrients leh flavonoids a pai hnem hle.
10. Hmeichhe thlatin hunbi a thi chhuak hnem tan, tui liter chanve-ah dhania gram ruk chhum a, chini thirfian khat telh la, a lum laiin in rawh.
11. Arthritis patient tan dhania chi (seeds) tuiah chhum la, a tui in rawh.
12. Dhania leh aieng rawt kawi la, chu chu arngeng leh blackheads enkawl nan a tha hle.
Dhania thatna
![](https://theaizawlpost.org/wp-content/uploads/tap_logo-min-large.jpg)