Tunhnai maia dah thar ni tawh chiah lo mah se kumin April thla tawp lama Portuguese tawnga tihchhuah Bra-zilian dictionary pakhata legendary footballer Pele hming sengluh a nih chunghang kha han chhawpchhuak leh reng reng teh ang!
Nikuma mual a liam hnu khan amah ngai-sangtu thenkhatin dic-tionary-a Pele hming a chuan theihna’n rusum an thlak a, an cam-paign hmingah pawh ‘Pele in the dictionary’ tih an hmang a, a hlawhtlinna hmuin Por-tuguese edition pakhat Michaelis dictionary an tihah chuan hming hi sengluh a ni a, chu dictionary-ah chuan ‘Pele’ tih chu vantlang chunglam (someone out of the ordinary) tiin an dah ngat a ni!
Dictionary-a Pele hming chuantir tuma beitute hi Pele Foun-dation and Sportv mi leh sate niin, sport mai piahlam thlenga a chungchuanna tihlan-na’n leh amah thlahna ni pahin Portuguese thumal pakhata a hming sengluh hi an duh tlat a ni.
World Cup-a vawi-thum ngawt an ram Brazil champion-puitu Pele hi nikum Decem-ber thla khan a thi a; a boral hnuah ‘Pele in the dictionary’ cam-paign kalpui niin, dic-tionary-a Pele hming sengluh a nhi theihna’n hian mi 100,000 chuangin hming an ziak a; an tum leh duh ang ngeiin dictionary-ah chuan a hming a chuang ta a, Pacaem-bu khuaa Summit Sports event-ah dictio-nary-a ziahluh hawnna leh lawmna hun hman a ni nghe nghe.
Arantes do Nasci-mento (1940-2022) hi mi tamtakin khawvela footballer piangchhuak tawh zawng zawng zingatha ber leh thiam-berah an ngai a, amah ngaisangtute chuan tu nen maha khaikhin theihlohah an ngai nghet bur a, mibik leh chung-chuanga an ngaih avangin ‘Pele’ tih thumal chu tha bik, chung-chuang, khaikhin theih loh, filawr (excep-tional, incomparable, unique) tihna atan an hmang a; entirna an dahchhuah thenkhatte chu: He is the Pele of basketball, she is the Pele of tennis, she is the Pele of Brazilian dramaturgy, he is the Pele of medicine” tihte a ni hlawm!
Pele Foundation-a an executive director Joe Fraga chuan dictionary-a Pele hming dah chu thil pawimawh tawpkhawk a nih thu sawi chungin, “Tunah chuan Pele hi kan kiangah a nung reng tawh ang,” a ti.
Dictionary-ah Pele hming a chuang!
