Los Angeles leh Miami-a Sean ‘Diddy’ Combs in te chu niminpiah khan Homeland Security ten an dap thut a, Fox 11-in a tarlan danin sex trafficking hnuchhui kal zelah Diddy in hi dap an ni awm e. Video footage-ah chuan thuneitu ten mihren an nei tih a hmuh theih a, chung zingah chuan Diddy fate King Combs leh Justin Combs te paw an tel. A in an dap lai hi Diddy hi a awm nge awm lo tih eraw puan a ni lo.
TMZ-in a tarlan danin Homeland Security-te hian New York-a case an chhui laiah Diddy nena inkaihhnawihna nei a awm a, a in hi an dap ta a ni. Diddy hi zahmawh rawngkaia intihluihna lam hawiah a hming a lang zeuh zeuh tawh a, civil lawsuit pawh a nei nual a, November 2023 pawh khan a ngaihzawng hlui Cassie chuan Diddy hian kut a thlak thin thu leh zahmawh rawngkaia a laka a chet mawi loh thin thu leh sexual trafficking lama inhnamhmawihna nei angin a lo puh tawh a, mahse, darkar 24 hnu lekah a lawsuit chungchangah hian court pawn lamah inremna an nei lehnghal a ni.
Diddy In police ten an dap a, a fate pahnih an man
