DIG (NR) building thar hawng
DIG (Northern Range) office building thar, PHQ Complex Khatla Aizawl ami chu Nilaini khan DGP Mizoram Anil Shukla chuan a hawng.
He building hi Special Central Assistance Scheme hnuaia Mizoram PWD sak niin, 2022 July 21 atanga sak tan a ni a, sak zawh hun tura ruahman chu 2025 January 21 a nih laiin, kumin October 21 khan sak zawh a ni. Sum ruahman pawh cheng vaibelchhe 3.2 niin, vbch. 2.74 senga sak zawh a ni thung.
Building ground flor-ah hian official vehicle pathum leh two wheeler 12 len theihna parking a awm a; chhawng khatnaah MTO leh Driver Room; chhawg hnihah Crime Branch, Establishment, Conference Hall leh Police Computer Training Centre a awm. Chhawng thumnaah DIG(NR) office room, Personal Branch leh sub ordinate officer te room a awm a ni.
Building-ah hian underground water tank, fire fighting system (wet riser system) leh fire automatic alarm system a awm bawk.
DIG (NR) building thar hawng
