India leh China sipaite silai tel loa nunna tam tak chan phah hial khawpa an inbeihna hmun hmingthang tak Union Territory of Ladakh-a Pangong Tso dil khang chunga tlan tlang Ladakh Frozen Lake Marathon chu Thawhtanni khan an tlan a, Guinness world record-in khawvela dil khang chunga half marathon nghahna hmun sang ber (world’s highest frozen lake half marathon)-ah a puang.
Feet 13,862 zeta sang Pangong Lake an tih bawk behchhana half marathon hi darkar li awh niin, Lukung atangin mi 75 an tlan chhuak a, Maan thing-tlang khuaah tawpin, vawt tawngkhawng (sub-zero temperature) hnuaia km 21-a thui tlankawng zawh tawp-tute zingah hian hliam tuar an awm lo niin Leh District Development Commissioner Shrikant Balasaheb Suse chuan a tarlang.
He tlankawng hian India leh China inrinina laite a hrut thuak thuak a; a chunga tarlan tawh ang hian he lai hmun vawh zawng hian thlasik laiin minus 30 degrees Celsius a hawlh pha a, 700-square kilometer-a zau Pangong Lake khawng char bur hnuaiah hian khawvela Frozen Lake Half Marathon record thar siam a ni.
He intlansiak hi a hmingah ‘Last Run’ vuah niin, sik leh sa danglam zel avanga Himalaya tlang vur tuiral zel tur chhanna thinlung mipuitea tuhna hmanrua atan hman a ni a; he marathon buatsaihtute hi Ladakh Autonomous Hill De-velopment Council, Leh; Tourism Depart-ment, Ladakh bakah Leh district adminis-tration-te nen thawk-duna Adventure Sports Foundation of Ladakh (ASFL) huaihawt a ni.
Dil khang chunga marathon chu…
