Din champhaah Apex Bank
branch tin an luangchhuak
July 31 kha Mizoram Cooperative Apex Bank din champha vawi 44-na a ni a, hemi pual hian district hrang hrangah mipui tan Apex Bank an luang chhuak.
Aizawlah chuan khawchhungah City Bus service 20-ah chuan man a awm loa, heng bus service man hi Apex Bank-in a tum a ni. Ngaizel leh Zemabawk inkarah a thlawna chuan theihna bus 16 a tlan a, Sihphir leh Ramrikawn service-ah pahnih ve ve a thlawnin an tlan bawk.
Apex Bank Keifang Branch chuan he ni pual hian Saitual district-a home pathum – Hlimna In (Girls Home), Serenity Boys Home leh Saitual Observation Home-ah tanpuina sumfai an pe a, bank dawrtu hnenah eitur an hlui a ni.
Khawzawl Branch chuan mipui tan free taxi service a buatsaih a. Bank dawrtute ei leh in tur an lo pe bawk.
District hrang hrangah pawh Branch manager leh staff-te hmalaknain mipuiin a thlawna an hman turin two wheeler taxi leh auto rickshaw an service tir bawk.
Mizoram Cooperative Apex Bank hi 1978 December 15 khan RCS-ah register a ni a. RBI atangin BR Act 1949 (AACS) anga bank din phalna neih a nih hnuin 1982 July 31 khan bank hi Mana & Sons building Upper Bazar Aizawlah hetihlaia chief minister Brig. T Sailo chuan a hawng. Bank din tirh hian chairman C Vulluaia, managing director MV Nataraj, chief accountant VG Reddy an ni a, thawktu 18 an awm. Bank logo duangtu hi Caroline Zaii a ni.
Board of Directors hi 1992 February 26-ah a vawikhatna atan a thlanin an thlang a, hemi hma hi chuan Mizoram sawrkarin a ruat thin.
Din champhaah Apex Bankbranch tin an luangchhuak
