Kolasib-a district information & public relations officer thar C Lalhruaitluanga chu Thawhlehni khan Mizoram Journalists’ Association (MJA) Kolasib District member-te nen an inkawm.
Kolasib DIPRO thar chuan I&PR department leh MJA-in thawh hona tha tak an neih thin chu chhawmnun zel a nih a beisei thu a sawi a. Sawrkar hmalakna hrang hrang puanzar kawngah, mipui hnena zirtirna tha thehdarh kawngah leh ram siamthatna kawnga rawtna tangkai chhawp chhuah kawngah chanchinbumite chu hmanraw pawimawh ber pakhat an nih thu sawiin, an rawngbawlna chu thahnemngai taka kalpui zel turin a chah. Tunlaia social media hman dik loh tam em em chu veiawm a tih thu sawiin, MJA member-te chu social media hman chungchanga mipui zirtir leh kaihhruai chu an mawha la tel turin a chah bawk.
Kolasib District MJA president Andrew Vanlalauva chuan an hmalakna hrilhin, an district chhunga sawrkar hnathawh leh mipui nghawng harsatna a hmuna tlawha an enfiah thin thu te, chu chuan thuneitute leh mipui beng thleng a, hmalakna chak zawk a awm phah thin thu leh hmalakna tharthawh a nih thin thu a sawi a ni.
Tunah hian Kolasib district-ah MJA member 14 awmin, print media leh electronic media lam mi an ni a, an district-ah MJA member-te enkawl khaihlak loa chanchinbu chhuak 7 a awm mek a ni.
DIPRO leh MJA inkawm
