District hmalakna sawipui
Kolasib bialtu MLA, minister K Lalrinliana chuan Thawhtanni khan Kolasib-ah district chhunga sawrkar hmalaknaah office hrang hrang hotute a kawm.
PWD Kolasib Division leh Highway Division hnuaia hmalak tawh dan leh hmachhawpte sawi a ni a. Tlawng luiin a kam, Bairabi ram a lak hek zel venna tur Tlawng River Training Works thawh mek thlirlet a nih bakah Special Assistance to States for Capital Investment Scheme hnuaia hmalak dan tur sawi a ni.
Power & Electricity department hnuaia Bawktlang leh Project Veng Sub-Station panna kawng thawmthat dan tur leh hmun 4-a kawlphetha thlunzawm belhna atana ruahmannate sawi a ni a. Bairabia Supply kudam thar sakna tur, PHE department hnuaia Atal Mission for Rejuvenation and Urban Transformation leh Jal Jeevan Mission kaltlanga hmalakna, huan lo ram neituten chak zawka hma an lak theihna’n eng thlunzawm dan tur leh, an district-a buh thahnem zawk thar theih dan turte sawi a ni bawk.
District hmalakna sawipui
![](https://theaizawlpost.org/wp-content/uploads/tap_logo-min-large.jpg)