Tunhnaiah district hrang hrang magistrate-ten an district huamchhungah dan loa kuhva rah phurh, lakluh leh dahkhawl an khap a. Saitual leh Lawngtlai district magistrate pawhin khapna thu hi an chhuah ve leh bawk.
Mizoram Home department-in Mizoram hmun hrang hrangah dan loa kuhva rah lakluh leh phurh a tam avangin khap a tul thu a chhuah bawhzuiin Saitual leh Lawngtlai district magistrate hian a hrang ve ve Section 163 BNSS 2023-in thuneiha a pek angin, an district huamchhung ve ve ah dan loa kuhva rah lakluh leh dah khawl leh dahkhawlna hmun siam an khap a. Hmun dang atanga dan loa kuhva rah phur lirthei eng chi pawh tlan an khap bawk.
He thupek hian thla hnih chhung a huam dawn a, thupek bawhchhiate chu Section 221 BNS 2023 hmanga hrem an ni dawn tih an sawi a ni.
District pahnihah kuhva phurh leh dahkhawl khap
