District pakua huamchhungah
internet la tithi chhunzawm
Manipur sorkar chuan pathianni khan an state chhung district 9-a mobile internet-te chu vawiin, December ni 3 thleng tihthih chhunzawm a nih tur thu an sawi.
State sorkar home department chuan he hriattirna hi tichhuakin, Imphal West, Imphal East, Kakching, Bishnupur, Thoubal te chu thupek awmsa pawhseinain a huam tur an nih thu an sawi a, heng an huam chin chhungah hian Churachandpur, Kangpokpi, Pherzawl leh Jiribam te pawh a tel.
State sorkar chuan dan leh thupek kenkawh dan leh internet service te chu inzawmna an neih dan an enfiah hnuah tihtawp chhunzawm zel hi tulin an hriat thu a sawi a, hei hi December 3 tlai dar 5:15 thleng awh tur niin, boruak awm dan a zirin a hnulam zel pawh hriattirna tihchhuah thuai a nih tur thu an sawi.
November ni 16 atang khan internet service hi hun engemaw chen tihtawp lailawk a ni tan a, Meitei leh Zohnahthlakte inkara buainain zual lam a pan chhoh leh tak zel avangin sorkar chuan ruahmanna hrang hrang a ngaihtuah thu sorkar thuchhuahah chuan tarlan a ni bawk.
District pakua huamchhungah internet la tithi chhunzawm
