India ram hmun dang rualin Mizoramah pawh district headquarters tinah Republic Day vawi 75-na hman a ni a.
Lungleia C Thuamluaia Mualah Republic Day hi district bawrhsap Ramdinliani hoin hman a ni a. Ram puanzar pawtparhin parade contigent 24 chibai bukna a chhanglet. Republic Day lawmna pual hian hospital, home leh jail-ah te thilpek hlan a ni.
Lawngtlai CYLA Playground-a hmannaah bawrhsap Cheemala Siva Gopal Reddy chuan parade contingent 23-te ram puanzar chibai buk a chhanglet a. Republic Day pual hian District Hospital Poor Fund, District Jail, Motherless Home leh Lairam Rescue Centre-ah tanpuina pek a ni.
Siaha-a District Playground-ah bawrhsap Lalhmunsanga Hnamte chuan parade contingent 15-ten ram puanzar zahna chibai an buk a chhanglet.
Hnahthiala District Football Association (HDFA) ground-ah district bawrhsap Chuauhnuna hoin hman a ni a, ram puanzar pawtparhin parade contingent 10-in chibai an bukna a chhanglet a ni.
Champhai Chhangphut Field-ah Republic Day hi bawrhsap James Lalrinchanna hoin hman a ni a. Ram puanzar a pawhparh chu parade contingent-in chibai an bukna a chhanglet a ni.
Khawzawl Mualvawm Ground-ah bawrhsap K Lalrohlua’n ram puanzar pawtpharhin parade contingent-te chibai bukna a chhanglet a. Republic Day pual hian Chhanchhuahna Home, District Hospital leh Grace Camping Centre-ah tanpuina hlan a ni.
Saitual Keifang Centenary Ground-ah bawrhsap Dr Lalngura Tlau chuan ram puanzar pawtparhin parade contingent 14-in chibai an bukna a chhanglet.
Serchhip Sports Complex-ah bawrhsap David Lalthantluanga hoin hman a ni a. Parade contingent 18-in ram puanzar chibai an buk a chhanglet a ni.
Kolasib Sports Stadium-ah bawrhsap John LT Sanga chuan parade contingent 16-ten ram puanzar chibai an bukna a chhanglet a. GSA Playground Mamita Republic Day hmanah bawrhsap VL Remliana’n ram puanzar pawtparhin parade contingent 17-in chibai an buk a chhanglet a. Buannel Home, Joshua Home leh District Jail & District Hospital tlawhin thilpek hlan a ni.
District tinah Republic Day hmang
