Wimbledon 2024 khelh mekah thawhtan zan khan Novak Djokovic chuan Holger Rune lakah awlsam takin hnehna a chang a, quarter-final a lut. Inkhel dangah champion tura rinkai zinga mi Alexander Zverev chu Taylor Fritz hneh lovin a tla ve thung.
Wimbledon-ah vawi sarih ngawt champion tawh Novak Djokovic hian kum la naupang deuh zingah player tha ber pawl Holger Rune a hmachhawn vangin harsatna a tawk tura ngaih a ni a, vawi riat champion a tumna a puitlin zawh loh rinna lian tak a awm. Rinhlelhna lian tak hnuaia inlan ni mah se tha chungchuang takin a inlan a, hneh mai mai theih a la ni lo tih set hloh lova a chakna hmangin a lantir.
Serb hian set khatnaah tir lamah break a neih vangin set khatna chu harsa lo takin a la. Set hnihnaah break pawimawh tak a nei zui leh a, game li hloh chungin set a la zui leh. Set hnih a lak zawn hnuin set thumnaa a khel tha lehzual a, game hnih chiah hloh chunga set la nawn lehin Rune lakah hian 6-3 6-4 6-2 a hnehna changin Wimbledon-ah a vawi 15 nan quarter-final a lut.
Holger Rune lakah awlsam taka chak Djokovic hian quarter-final-ah Alex de Minaur a hmachhawn zui leh dawn. A khingpui tur De Minaur hian last 16-a a khingpui Arthur Fils chu 6-2 6-4 4-6 6-3 in a hneh.
Thawhtan zana inkhel hmuhnawm takah Taylor Fritz chuan Alexander Zverev lakah set hnih a hloh hmasak zet hnuin pui takin hnehna a chang let a, quarter-final a inhlangkai. Wimbledon-a quarter-final la lut ngai lo Zverev hian set hnih a lak hmasak vangin a dinhmun a tha hman viau a. A vawi khat nan quarter-final luh tum viau mah se a tlo zo l
Djokovic a chak awlsam
