Doctor-in chawl hahdam turin CM thurawn an pe

Chief Minister Lalduhoma chu a taksa a chauh deuh avangin doctor-ten hun engemaw chen chawl hahdam turin thurawn an pe.
Chief minister hi kar kalta Inrinni khan a inentir a. Doctor ten uluk taka an endik hnuah thil fel lo engmah an hmu lem lo va, a hah rimtawng lutuk a ni, an ti.
Hei vang hian nimina a programme lo duansate pawh cancel a ni a. Vawiin atana programme lo duansate pawh, loh theih loh chauh lo chu cancel a ni ang. A programme neih tur chin chu a kaihhnawih official leh mipuite hriattir an ni ang.
CM hi in lama a awm hahdam chhungin phone-a biak leh message thawn lama lo insum turin leh amah hmuh kher pawh tum rih lo turin mipui ngen an ni.
Chief Minister hi office-ah a ni emaw a zinvahnaah a ni emaw khua leh tuiten an hmu deuh reng a, ni tin programme chi hnih chi thum a nei zel a. A hun awl neih chhunah leh zan lamah e-office hmangin file a en zel bawk a, hna a thawk ngawrh hle niin sawrkar thuchhuah chuan a tarlang a ni.