Doja Cat hla hit ‘Paint the Town Red’ chu Billboard Global 200 chart-ah a No.1 a, he chart-a kar li a No.1-na a ni ta. Hetihrual hian Tate McRae leh Kenya Grace te pawh chart top 10-ah an lang.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuang a official-only stream (subscription leh ad-supported audio leh video music services) leh download sales te chu tehna pawimawh a ni.
Doja Cat ‘Paint the Town Red’ hian hi kar khat chhungin khawvel huapin stream maktaduai 90.6 tlingin, download sales pawh 11,000 a la tling a, hei hi a kar li nan chart-ah a No.1 pui leh ta a ni.
He chart-a kar sarih No.1 thei Jung Kook ‘Seven’ featuring Latto chu No.2-ah bawk awm lehin, Taylor Swift ‘Cruel Summer’ chu No.5 atangin No.3-ah a insawn ve ta bawk.
Tate McRae ‘Greedy’ chu stream maktaduai 38.8 leh sales 8000 tlingin No.11 atangin No.4-ah a invawrh a, he singer-songwriter hi Calgary, Alberta, Canada chhuak niin, he chart top 10-a a lan vawi khatna a ni a, a hmaa a tlen san ber chu 2020-a a hla ‘You Broke Me First’ hmanga No.16 a kai kha a ni.
Kenya Grace pawhin stream maktaduai 39.9 leh sales 3,000 tlingin No.12 atangin No.5-ah a invawrh a. He South African chhuak, Britain a seiliann singer-songwriter hian TikTok a chhawr tangkai a, he social media kaltlanga lar chhuak hi niin, Billboard Global 200 chart-ah hrim hrim pawh a vawi khat lanna a ni. Billboard Global 200 Top 10:
1 Paint The Town Red – Doja Cat
2 Seven – Jung Kook Featuring Latto
3 Cruel Summer – Taylor Swift
4 Greedy – Tate McRae
5 Strangers – Kenya Grace
6 Vampire – Olivia Rodrigo
7 Qlona – Karol G & Peso Pluma
8 LaLa – Myke Towers
9 I Remember Everything – Zach Bryan Featuring Kacey Musgraves
10 Dance The Night – Dua Lipa
Doja Cat ‘Paint the Town Red’ a lar ber
