Dosa chu kan hria a, dosa pakhat te chu kan ei zo thei mai a, mahse, he dosa hi chu mahnia ei zo thei an awm lovang, khawvela dosa sei ber a ni tlat. Feet 123 a sei niin, Guinness World Record pawhin khawvela dosa sei berah a puang.
He dosa sei hi MTR Foods-in an kum 100 tlin champha lawm nan Lorman Kitchen Equipments nena thawk duna an siam a ni a, MTR signature Red Rice batter chu dosa siam nan hian an hmang a, Bommasandra Factory-ah an siam a ni.
He dosa sei siam tur hian chef 75 rualin an buaipui a, MTR CEO Sunay Bhasin chuan, “Kan tan chuan a pawimawh hle a ni. Dosa feet 100 a sei siam kan rilruk a, mahse, kan inruahman aia sei zawkin, feet 123 a sei kan siam ta a ni. Dosa hi MTR tan a pawimawh a, kan bul tan tirh atanga kan kutchhuak zinga vawiin thlenga mite ngainat hlawh a ni,” a ti.
A hmaa dosa sei ber record chu feet 54 leh inches 8.69 a sei a ni a, he record hi MTR dosa sei hian a rawn khum chiang hle a ni.
Dosa sei ber an siam
