Uttar Pradesh a double engine dik tak chu ‘jungle raj guarantee’ mai a ni, tiin Congress leader Rahul Gandhi chuan March 1 khan State pum huapa party worker tena dan leh hrai chelek kawhna lama State sorkar hlawhchham tia lungawilohna an lantirna neihah a sawi.
“Uttar Pradesh a dan leh hrai lekkawh dan dinhmun hi BJP leh Modi media tena ‘dawt muhlum sumdawnna’ an kalpui zia entirna tha ber a ni” tiin Rahul Gandhi chuan a sawi.
Uttar Pradesh a hmeichhia te laka tharumthawhna leh hleilenna thleng hrang hrang te tarlangin, hmun thenkhatah phei chuan kumtlinglo hmeichhe naupang unau te ruang chu thingah khaiin a awm a ti a.
“BJP member ten IIT-BHU campus ah pawngsual rawn te an nei a, hmeichhe judge chu justice a hmuh loh avangin mahni a intihhlum phah bawk.
“Hei hi a nia law and order system chhe tak chintawk nei lova an fak State dinhmun diktak zawk chu ni” tiin Gandhi chuan a sawi.
Tun hnaia Dalit zirlai Rampur a Class 10 exaqm zo haw lam thah a nih chungchang pawh a sawi alng bawk a.
“Modi media tena false image an siam hi hnawl a hun tawh a, thudik tak double engine sorkar in ‘jungle raj guarantee’ an siam hi hriatfiah a hun tawh” tiin Congress president hlui chuan a sawi bawk a.
“Uttar Pradesh Congress worker te chuan duhlohna lantirin district tinah leh tehsil tinah BJP system leh an misual tanrualpui te duhlohna an lantir ang”
Double engine sorkar chu ‘Jungle Raj guarantee‘ tihna zawk a ni : Rahul Gandhi
