DR Congo-ah M23-in peacekeeing force 13 that
Democratic Republic of Congo (DR Congo)-a remna leh muanna kengkawh tur (peacekeeping force)-a dah sipai 13 chu M23 group an tiha hel pawl nen an inbeihnaah thah an ni.
South African sipaite chuan DR Congo khawchhak lam, Homa khawpuia helho pawng zel tur dang kir tura tirh an sipai pakua an thi tih an sawi a. Malawian pathum Uruguayan pakhat a thi bawk tih an sawi.
French President Emmanuel Macron chuan DR Congo leh Rwanda hruaitute chu biain tharum thawhna thleng titawp turin ram dangte a dawr dawn tih a hrilh tih as awi.
United Nations pawhin mi maktaduai khat chuang chenna, Goma atang hian indona a nasat zel avangin a hnathawk pawh awm ngei ngei ang chi tih loh chu a la chhuak vek tawh.
UN Security Council pawh heng laia buaina awm mek sawiho tura Thawhtannia thutkhawm a koh tawh chu thil thleng thar avangin Pathianni khan a sawn hma.
M23 hian Goma-a Congolese sipaite chu thisen tam zawk a luan loh nan inpe mai turin an ti a. Hetih lai hian DR Congo hian an thenawm, Rwanda chu helna phena inrawlh niin a puh.
M23 fighter-te hian Ningani khan ramri tlawhtu Congolese military governor an lo that a. January thla tir khan khawchhak lama Congolese khaw pahnih, Minova leh Masisi an la tawh bawk.
Macron-a hian Inrinni khan DR Congo leh Rwanda hruaitute biain a rang thei anga indona titawp turin a ngen tih a pisa chuan a puang.
EU-a foreign policy chief Kaja Kallas pawhin M23 hi an hmalakna chawlhsan rih turin a ti a, Rwanda-in an pawl a thlawp chu a dem bawk tih AFP news agency chuan a tar lang.
Angolan President Joao Lourenco, African Union atanga Rwanda leh DR Congo inkara palai hna thawk mek pawhin M23 chet dan leh anmahni thlawptute chu a tha lo tih thu a lo sawi tawh bawk niin AFP news agency-in a tar lang.
M23 leh DR Congo sipaite hi kumin kum tir atang khan an indo nasa zual a, helho hian ram an la chak hle.
Indona avang hian kuminah ringawt pawh mi 4,00,000 chuangin an in chhuahsanin an tlanchhe tawh niin UN chuan a sawi.
Tual chhung hruaitute chuan kar liam ta khan M23-in an lak hmunah civil mi 200 chuang thah an ni tih an sawi a, Goma-a damdawi inah tam tak enkawl an ni bawk.
Tun hnaiah ram eng emaw zatin Goma-a an ram mite chu chhuak turin an ti a, hetianga ti zingah hian UK, France, Germany leh US pawh an tel.
Human Rights Watch chuan Congolese sipaiten M23 an beih tak tak chuan civil mi tan a hlauhawm zual dawn tih a sawi a. Mihring dikna chanvo humhalhtu pawh hian lehlam lehlam hi civil mite chungah zahngai turin an ngen.
M23 hian kum 2021 atang khan ram leilung hausa lai, DR Congo khawchhak lam an thunun tawh a, mi sang tel an tlanchhia.
DR Congo leh UN chuan M23 hi Rwanda-in a pui niin an sawi a, Rwandan thuneitute chuan an pawmna leh phatna an la sawi lo.
Rwanda hian a hmain DR Congo thuneitute chu kum 1994-a Rwandan insuatna an tih, Tutsi leh Hutu hnam suatnaah khan an inhnamhnawih nasa niin a lo puh ve tawh thin bawk.
M23 hi kum 2012-a DR Congo khawchhak lama tihduhdah leh endawng tuar nasa, Tutsi mite vengtu tur intia indin an ni.
DR Congo-ah M23-in peacekeeing force 13 that
