Drake-a’n thla khat chhungin pawisa khelhnaah $8M a hloh

Drake-a’n thla khat chhungin pawisa khelhnaah $8M a hloh
Drake chuan pawisa khelh nuam a tih luatah thla khat chhung lekin pawisa khelhnaah dollar maktaduai 8 chuang a hloh hman tih a sawi. A pawisa khelhah hian inlehkhaden lam a ni lova, sporting event hrang hranga a chak tur zawk insiaka inchawinaah a ni ve tung.
Drake hian June ni 19-a a Instagram Story-ah thla khat chhunga hetiang pawisa inchawina atanga a sum chet vel an screenshot a post a, chutah chuan kar li chhungin pawisa inchawina a hloh zawng zawng chu dollar 82,35,686 a tling a, kar li chhunga inchawinaa a pawisa thap zawng zawng chu dollar 12,45,27,265 a tling!
Drake chuan gambling side lehlam han tarlan ve hrim hrim a duh tih a ziak tela a, a hloh nasat thu a tarlang tel bawk. Mahse, sim a la tum chuang lo, a vanneih hun a la inherchhuah ngei a la beisei tho! “Tam tham tak ka man hun post theih thuai ka inbeisei,” a la ti fan!