World number seven Ru-ssian Daniil Medvedev chuan Pathianni Dubai Tennis Cham-pionship final-ah 6-2 6-2-a a chipui Andrey Rublev sawpin a chetthat a chhunzawm zel.
Kum 27 mi Medvedev hian defending champion laka hnehna nuamsa a chan leh tak hnu hian chawlhkar thum lek chhungin title pathum a la zawn tling ta a, Dubai-a a champion hma hian Doha leh Rotterdam lamah title a lo sualchhuak tawh a ni.
Ti hian, match 14 chhung chak zawn tlingin, a career-ah tour-level title 18 a khawl tling ta chiah bawk.
World No. 1 hlui Medvedev hian karliamta Zirtawpni semi-final pakhat zawkah tun season-a la tlawm lo Novak Djokovic-a chak tluang lai a titawp a; Australian Open-a a tlak hma avang khan ATP ranking-ah top 10 chhuahsan zawk mah se ranking tharah pasarihna a luah chho leh ta.
Nikum khan Russian leh Belarusian player-te chu Ukraine do tura an ram sawrkar ve ve an inthurual avangin Wimbledon khel thei lo tura danbeh an ni a, kumin London tournament-ah tel phalsak an ni tawh dawn em tih an nghak mek.
US Open champion hlui Medvedev hian United States lam hawi zui leh nghalin, March ni 19 atanga April ni 2 chhunga khelh tur Indian Wells lamah a inlan chhunzawm leh ang.
Dubai Tennis Championship hnehtu Medvedev
![](https://theaizawlpost.org/wp-content/uploads/tap_logo-min-large.jpg)