Dulkiar tan colon cancer risk a sang
Dul vela thau a inchhek khawm nasat hian colon (mawngkaw hnaih lam ril) cancer risk a sang niin mithiam ten an sawi.
Albert Einstein College of Medicine, Bronx, New York-a thawk Dr Derek M. Huffman chuan, “Kan ei leh in leh nunphung ten cancer risk a tisang tih a ni a, chutih rualin dul vela thau inchhekkhawm nasa hian ril cancer risk a tisang tel a ni,” a ti.
Tunhmaa zirchianna an lo neih tawh hrang hrang thau uchuak (obesity) hian cancer risk chi hrang hrang a tisang a, Huffman leh a thawhpui ten zirchianna an neih tharah chuan dul vela thau tam lutuk chuan colon cancer risk a tisang tih an hmuchhuak niin an sawi.
He zirchianna chungchang hi Cancer Prevention Research-ah tarlan a ni.
Dulkiar tan colon cancer risk a sang
