PWD-in Mahindra Servicing Centre Durtlang North atanga Selesih to Thuampui panna kawngpeng thlengin kawng zauh hna a thawh dawn avangin helai kawng hi vawiin – December 14 (Ningani) atangin khar a ni dawn tih SP Traffic Aizawl chuan mipui a hriattir a. Hnathawh tibuai thei turin helai kawngpui dungah hian lirthei leh bungrua engmah dah phal a ni lo tih a sawi.
Kawngpui khar a nih chhung hian Sihphir atanga Aizawl lam pan turte chu Selesih to Thuampui kawngah kalin Thuampui-kawna chhuakin emaw Durtlang Dawrkawn lama chhuak turin emaw kal tur a ni a. 407 truck aia lian reng reng Durtlang Dawrkawn lamah tlan chhoh phal a ni lo tih a sawi.
Bawngkawn atanga Sihphir via Durtlang Leitan lamah 407 truck leh a hnuailam chauh tlan phal a ni a. Lirthei eng pawh Thuampui lam atangin Zuangtui leh Muanna Veng kaltlangin Sihphir lam pana tlan theih a ni tih a sawi bawk.
He thupek hian chhiatrupna thil, kangmei leh emergency kaihhnawiha duty, dan leh thupek pawimawh bika police leh magistrate duty-te chetvelna erawh a huam lo a ni.
Durtlang – Selesih kawng khar
