MLA inthlanpuia Aizawl district-a vote chhiartu turte duty-na hmun, khawl hmanga ruatna – 2nd Randomisation chu Pathianni khan counting observer-te leh returning officer-te telin neih a ni.
Aizawl district election officer Nazuk Kumar chuan counting observer-te hnenah vote chhiar tura inpuahchahna report a pe a. Inthlanpui hmasa lama lo tih tawh angin district chhung assembly constituency 12 tan counting hall hran theuh ruahman a ni.
Counting centre pathum zingah DC office-ah assembly constituency 6, Assembly Annexe building-ah constituency 4, Govt. Aizawl College Silkulpuikawnah constituency 2 chhiar a ni ang.
RO paruk leh ARO-te kaihhruaina hnuaiah vote hi chhiar a ni anga, Counting Centre tinah Media Centre leh Public Communication Room ruahman a ni. Internet connection, medical facility leh tul dang mamawh ruahmanna hrang hrang siam a ni bawk.
Duty-na hmun tur siam
