UK, France leh Germany te chuan Russia hnena drones leh missiles a hralh loh nan Iran chu hrek chhunzawm zel ni se an ti.
Kum 2015 khan Iran chuan nuclear deal remtihna pein chuta hrekna thenkhatte chu thla thar khian tawp tawh mai tur a ni a.
Mahse, European ram te chuan Iran chuan inremna chu bawhchhia in uranium a thlifim lui zel tiin an puh thung a. Iran chuan na taka sawiselin ‘dan kalha chetna’ a tihsak zui a ni.
Uranium thlitfim fir tak chu nuclear weapons siam nana hman theih a ni a.
European ram te chuan UN hrekna tawp mai tawh tur chu an dan nen an hmehbel rem dawn tiin an sawi a. Ruahmanna siamah hian Iran-in ballistic missiles leh drone a neih loh nana hmalaknate a tel a. Hrek a ni chungin Iran siam drone te chu Russia chuan Ukraine beih nana a hman lar ber ber te an ni.
Iran hian kum riat kalta khan Joint Comprehensive Plan of Action (JCPOA)- world powers P5+1 – US, UK, France, China, Russia leh Germany te nen an siam a.
Inremna hnuaiah Iran chuan nuclear activity titlemin international inspector tena an enfiah a remti tur a ni bawk a, a laka hrekna hlih a ni ve thung ang tih a ni a. He inremna hmang hian Iran hnena drone lei leh hralh tin te khap vek a ni.
Hei mai bakah hian inremna ang chuan mimal leh pawl nuclear programme kalpuina kawnga inhnamhnawih te chu hrek vek tur tih a ni bawk a.
Mahse Russia leh China te ang chu he inremna hian UK, France leh Germany te angin engmah a huam ve lo thung a ni. Heng ram pathum te hi E3 tia sawi niin Tehran-in inremna a zawm famkim hma chuan an hrek chhunzawm zel tur thu an sawi ta a ni.
E3 te chuan thutlukna an siamna chhan chu Iran chuan tum hnih lai JCPOA a let lehna hun remchang a neih a hnawl tiin an sawi thung a. US pawh JCPOA-ah hian President Donald Trump hun laiin kum 2018 khan an lo inhnukdawk tawh a ni.
E3 ten Iran hrek an chhunzawm dawn
