Ebola vaccine chi hrang pathum buaipui mek

Ebola chi hmuh tur awm zen zen lo. mi 250 velin an thihpui tawh si dona atana invenna tur damdawi (vaccine) chu chi pathum duan mek a ni.
Vaccine pakhat siam hna thawk mektu, International Aids Vaccine Initiative (IAVI) chuan tun laia hri leng chu a nasat ber tum a nih a hlauhawm hle tih an sawi.
University of Oxford leh damdawi siamtu, Moderna pawhin Bundibugyo chi laka vaccine siam dan tur an dap a, an zir chiang mek bawk.
Mi pathumte tana sum pe mektu, Coalition for Epidemic Preparedness Innovations chuan ‘ni tin h kan thlir mek zel’ tih an sawi.
Tunah hian DR Congo-ah hri kai nia rinhlelh mi 1,000 chuang an awm tawh a, an thenawma Uganda-ah a kai hmuh chhuah mi pakua an awm tawh bawk.
Hri leng hi indona hmun, damdawi leh inenkawl theihna a chhiahna hmuna a darh hnuah chauh hmuh a nih avangin Africa khawthlang lama Ebola a leng nat ber, kum 2014-16-a a len nasat ang a tlin tawh mai rinna a awm a. Hemi tum hian mi 29,000 velin kaiin mi 11,000 chuangin an thih phah a ni.
IAVI hotu, Dr Mark Feinberg-a chuan, “Tun tum hi khatiang bawka nasa kha a nih theih a hlauhawm hle niin ka hria a, a lo nasa zawk lo a nih pawhin vaccine siam leh a do let dan dangte chu ngaih pawimawh ber a ni,” a ti.
A hma lawkin damdawi thila mi tanpuitu pawl, Médecins Sans Frontières (MSF) chuan thil awm dan hi a hlauhawm a, tun hmain hetiang zat ‘hri kai’ chhinchhiah a la nih ngai loh thu an lo sawi tawh a ni.
Ebola chi hrang hrang paruk laka invenna hi siam siam ngai a ni a; paruk zingah hian pathum chauh hi hri leng thlentu nia hriat erawh a la ni.
Zaire chu a chi hriat hlawh ber a ni a, vaccine pawh siam a ni tawh a; mahse, tun tuma mi, Bundibugyo erawh a vâng hle a. Tun hma atang tawhin vawi hnih chauh hmuh a la ni a, hman theih tur vaccine pawmpui a la awm lo.
IAVI hian Bundibugyo dona atan Zaire Ebola vaccine tihdanglam (modified version) siam tumin hma an la mek a. A enchhin nan sava hman a ni a, rang takin immune system-ah thawkin 100% vel zetin a himna a pe.
Hetihlai hian damdawi siamtu company, Moderna chuan an mRNA technology – Covid vaccine rang taka siam chhuahna atana an hman chu Bundibugyo vaccine siam nan an hmang tih an sawi.
Moderna Chief Executive Officer Stéphane Bancel chuan, “Hmanhmawh leh science thiamna fir tak nen kan bei ang a, vaccine awm thei tur chu a mamawh berte hnaih zawka awm turin kan ti ang,” a ti.
University of Oxford chuan Ebola vaccine thar siam chhuah tumin anmahni vaccine technology, Covid-a nunna chhanhim nana thawk thei chu an buaipui mek tih an sawi a. Thla hnih thum chhungin clinical trial atan a inpeih tawh tur thu an sawi bawk.
World Health Organization (WHO) Director General Dr Tedros Adhanom Ghebreyesus-a chuan, “Bundibugyo vaccine hian he hri leng hi thunun kawngah a pui thei a, nakin lawka leng tur atana inbuatsaihna a tichak thei bawk ang,” a ti.