Narendra Modi sorkar kum kua chhungin India leiba chu a let thumin Rs 155 lakh crore a chuang tawh tiin Congress te chuan sawiin India economy dinhmunah white paper tihchhuah an phut thu an sawi.
Congress thupuangtu Supriya Shrinate chuan Modi sorkar ‘economic enkawl thiam loh’ chu tun kan economy dinhmun chhiatna chhan tia sawiin May 2014 a Modi an thuneihna a chan hnuah Rs 100 lakh crore leiba neih belhin a awm tawh a ti bawk a.
“Chief Minister of Gujarat a nih laiin Modi hian political party dang sorkar chelh mek te chu laktlak loh leh corrupt-ah a puh thin a, tunah erawh a sawiselna chiah chu ama sorkar dinhmun dik tak a ni ta,” tiin Shrinate chuan a sawi.
“India economic growth story a tihchhiat vek hnuah unemployment turu tak siam mekin leh inflation sang tak a awm mek bawk a. Modi hian ngaihtuah ngam loh tiin tunah India leiba Rs 100 lakh crore chuan a belh tawh a, a manganthlak a ni,” tiin a sawi bawk.
Congress leader chuan India leiba chu kum 2014-ah Rs 55 lakh crore a ni a, tunah chuan Rs 155 lakh crore a chuang tawh a. Kum 67 chhunga Prime Minister 14 hnuaiah leiba Rs 55 lakh a nih laiin Modi hunah chuan Rs 100 lakh crore chuang leiba neih belh a ni, a ti bawk a.
“Economic mismanagement hi headline management nen a inang lo. Telepromters hmanga chinfel theih a ni lo va, WhatsApp forward hmanga chinfel theih a ni hek lo. A chhiat nasat tawh em avangin Indian economy-ah white paper kan phut a ni,” tiin a sawi bawk.
India economy dinhmun chu Sri Lanka leh Pakistan dinhmun nen a inang em tia zawhna erawh India fundamental chu a chak em avangin khual thuthang mai mai chu an awih dawn lo, a ti ve thung a.
“Kan economy bulthut a chak tha em em a, mahse, Modi sorkar hian ni tinin a tichhe tial tial a ni,” tiin a sawi bawk.
Shrinate chuan Indians 50% te chuan India hausakna 3% chauh neiin mahse GST 64% an pe a ti a. Mihausa tawntaw 10% te chuan India resource 80% thununin GST 3% chauh an pe, tiin a sawi bawk.
India debt-to-GDP ration chu 84% ah a chho tawh a, chu chu developing ram dang te leh emerging market economy te nena chhut chuan an debt-to-GDP ration chu 64.5% a ni mek thung, tiin Congress leader chuan a sawi bawk.
Economy-ah White Paper siam turin phut
