West Africa’s ECOWAS bloc te chuan coup leader te hmu turin Niger-ah parliamentary committee te tirh ni se an ti a. Hei hi civilian rorelna tundin a nih leh theih nana ngenna leh hmalakna hnuhnung ber a ni a. An mi tirh tur zingah hian sakhua hruaitute pawh an tel.
Thla kalta khan Niger sipaite chuan civilian sorkar paihthlain President Mohamed Bazoum chu lung inah khungin elected government an thiah thu an sawi a. Hei hi regional power te chuan na taka sawiselin Niger-ah civilian sorkar a din leh theih nan a tul chuan sipai chakna pawh an hman mai tur thu an sawi a ni.
Mahse coup leader te General Abdourahamane Tiani kaihruai te chuan Economic Community of West African States (Ecowas). Unitd States leh ram dangte hmalakna chu a ngai pawimawh duh lo thung a, hei vang hain islamist insurgency nasa takin a nuai mek sa rethei bawk si Sahel region of West Africa-ah chuan buaina nasa zawk thleng thei reng a ni.
Tun buaina hian Uranium producer lian ram Niger bik chauh kaihhnawih a ni lo va, Niger hi khawthlang ram tena Islamist firfiak te an beihna kawnga an thawhpui ram a nih bakah khawvel ram thiltithei tena West leh Central Africa a dinchan an tumna inbeihna nia ngaih a ni bawk.
US, French, German leh Italian te chuan Niger-ah hian sipai an dah vek a, helai bial hi al-Qaeda leh Islamic State a inziaklut firfiakte tamna a ni bawk.
Chutih laiin Russian influence a nasa tial tial bawk a, chu chuan democracy tidal zelin harsatna a thlen tia sawi a ni bawk.
Kar kalta Inrinni khan ECOWAS parliament chuan thutkhawm neiin chutah chuan thutlukna siam a ni lo thung a, mahse parliament chuan Nigerian President Bola Tinubu hmu tur committee dinin anni hian Niger kal dan an ngaihtuah dawn a ni.
Nigerian Islamic scholar Sheikh Abdullahi Bala Lau pawhin Tinubu bia in palai a tum nia sawi niin chu chu remtihsak nia sawi a ni bawk.
Western powers te chuan Niger junata te chuan thenawm Mali leh Burkina Faso te ang bawka civilian sorkar paihtlaa sipai sorkar chuan Russian an awm hlauhna thuk tak an nei a.
Mali-ah hian Russian private military contractor Wagner group te chu la awm rengin Mali hian United Nations peacekeepig force te pawh a hnawtchhuak tawh bawk a. Mali ram security pawimawh te chu Wagner mercenary tena an thunun mek anga sawi a ni.
ECOWAS ten Niger-ah palai tirh phawt tum
