Ecuador inthlan tura kar hnuhnung bera candidate Fernando Villavicencio kahhlum chuan nghawng natak neiin candidate dang pariatte chu peace leh security ngiatin chu chu Ecuadoreans tena ngaihthlak an duh ber tia sawi a ni bawk.
Villavicencio thah a nih hnu lawkah local politician chu northern Esmeraldas ah kahhlumin a awm zui leh bawk a.
Pathiannia inthlanna neih chu buaina awm lova neih zawh niin mahse candidate pakhat mahin run-off a awm loh nana thlawptu an nei tam tawk lo thung.
Hei vang tak hian October thlaah inthlanna neih leh tur a nih avangin chu chuan campaign nasa zawka kalpuina a thlen lo thei dawn lo va.
Leftist candidate Luisa Gonzalez chuan vote 33% hmuin social welfare programme nasa taka kalpui a intiam vang nia ngaih a ni a. Vote hmu sang ber a nihna chu a mak lem lo, beiseiawm ber ni sa a ni.
Mahse pahnihna hauh mektu chu beisei loh ni thungin sumdawng la naupang tak Daniel Noboa niin debate neih hnuhnun bera a chet that em avangin 24% lai vote a hmu bawk.
Pathianni khan Ecudoreans te chuan vote an thlakah an ngaih pawimawh ber chu security a ni. “Villavicencio thih hnuah kan lungrual a ngai tih kan chiang a, thil a khirhkhan hle a ni” tiin kum 33-a upa personal trainer Priscila Jaramillo chuan a sawi.
Campaign nunrawng tak kalpui chuan mi tam tak ngaihdan a thlak danglam an ti bawk a. “Tharumthawhna chuan voter te a khawih nasa” tiin political analyts Pedro Donoso chuan a sawi a. “Thuneitute kahhlumna ram, candidate te tualthihna ram, heng thil te hi vote khawih danglam thei a ni” tiin a sawi bawk.
Pathiannia vote thlaknaah Fernando Villavicencio fanu pahnih Tamia leh Amanda te chuan thuamhnaw var ha chungin vote an thlak a. Thuamhnaw var an hakna chhan chu an pa thattute hnena message thawna an rama remna leh muanna a awm theih nana hmalakna an kalpui zelna tiin an sawi.
Tamia phei chuan a hmai chu rawng dum pawl huito fruit atanga ink siam chu hnawihin chu chu Ecuador indigenous community tena an hman thin a ni a.
“Lawmna leh indona an hmachhawn dawna an inhnawih thin a ni a, vawiin hian nghet taka dingin kan presidential candidate min laksak hnuah kan dikna humhalh nan nghet tak din kan tum a ni” tiin Tamia chuan a sawi a.
“Ka tan chuan tun hi indona a ni a. Kan kuta pen kengin theihtawpin kan bei a ni,” tiin a sawi bawk.
Ecuador inthlanah chak awm thei lo
