torate (ED) te chuan April 6 khan Jharkhand Minister secretary awmpui kut atangin sum tam tham tak an man.
Central probe agency te chuan sum tam tham tak an man te hi video leh thlalak an thehdarh a, pawisa note room chhunga bag lian taka dah te chu tarlan a ni.
Pawisa an manna hmun hi Jharkhand Rural Development Minister Alamgir Alam personal secretary Sanjiv Lal awmpui chenna hmun nia sawi a ni.
ED te chuan an sum man te chu an chhiar mek thu sawiin Rs 20-30 crore vel ni tura an ngaih thu a sawi a. “Sum te hi Rs 500 note vek niin sum bakah hian jewellery te pawh man a ni bawk,” tiin sawi a ni. Alam hi kum 70-a upa ni tawhin Congress leader niin Jharkhand Assembly-ah Pakut seat aiawhtu ni mek a ni.
Heng sumte hi money-laundering case nikuma ED tena an man Rural Development chief engineer hlui Veerendra Kumar Ram an chhuina kal zel kaihhnawih a ni bawk.
“Veerendra Kumar Ram chuan Rural Works Department chief engineer a nih laiin tender pek hmangin contrator te hnen atangin commission tam tak a la thin a ni,” tiin ED te chuan an sawi a, asset Rs 39 crore vel nei angin an sawi bawk.
“Heng sum dan kalha an lak hmang hian veerendra Kumar Ram leh a chhungte chuan nun nuam tak an hmang a ni,” tiin tarlan a ni bawk.
Enforcement Directorate (ED) te chuan Thawhtanni khan Ranchi a hmun pakua lai chu sawi lawk lovin an dap thutna lamah heng sum te hi an man ta a ni.
ED ten sum chheprelh tam tak man
