Education department-ah aikal la mi 532 an awm

epartment hnuaiah aikal la an hriat chin chu mi 532 an ni a, an inchingfel chho mek tih a changtu minister Dr Vanlalthlana chuan a sawi.
Assembly Session-a zawhna chhangin School Education minister chuan, aikal tihtawp tumin sawrkarin theihtawp a chhuah a, sawrkar kal tawhten an ngaihthah avangin a buai chingchivet nasa tawh a, tih tawp tumin theihtawp an chhuah tih a sawi.
Hetihrual hian aikal la zingah, natna khirh bik nei, aikal la lo thei lo an awm a, chu’ng mite chu hriatthiam an ngai tih a sawi a ni. Hetiang ni lo, aikal laa sumdawng ta daih te pawh an awm tih a sawi a ni.
Tunhnaia sawrkarin hma a lak hnu ah aikal la engemawzat chu an hna chelhin an kir tawh a, theihtawpin hma an la a, an umzui zel dawn tih minister hian a sawi.
MLA inthlan dawnah ‘political transfer’ a tam nia House-a sawichhuah chu chhangin Dr Vanlalthlana chuan, hemi kaihhnawih hi lehkha an dawng tam a, a bikin Mizoram khawthlang lamah a tam zual niin a sawi. Hei hi an enfel dawn a, transfer siamremnaah pawh heng mite hi ngaihpawimawh hmasakah an nei dawn tih a sawi a ni.