Egypt-ah rel chesual, nunna chan an awm rih lo
Tun thla chhunga a tum hnih nan nimin khan Egypt-ah rel chetsualna thlengin, hliam na zual 20 an awm.
He rel chetsualna hmun hi Cairo chhim lam km 270 vela thleng a ni a, Minya huamchhung a ni. He rel pindan pahnih hi a chhe nasa zual hle a, nunna chan erawh an awm rih lo.
Egypt health ministry chuan ngaihtuahawm leh na zual mi 20 an awm thu sawiin, damdawiin hnai berah rang taka hruai nghal an nih thu an sawi a, rel chetsual chhan tak hi chhui chian nghal a nih thu an sawi bawk.
Tunhnai thla thum chhungin Egypt hian rel chetsualna a tawng ta zeuh zeuh a, nunna chan hi tam lo mah se, hliam na zual erawh an tam thei hle. An ram thuneitute chuan chhui chian ngai a nih thu leh, a chhan an chhui nghal tur thu an sawi a ni.
Egypt ram hian hun rei tak rel hmanga inkalpawhna hi an lo hmang tangkai tawhin, a him thei hle a, harsatna leh chetsualna hi an tawk ngai meuh lo. Kum 2018 khan an ram president Abdel Fattah el-Sisi chuan an ram chhunga rel kawng leh a behbawm tihchangtlun leh tihhmasawnna turin $8.13 billion a lo ruahman tawh a, tun hnaia chetsualna thleng vang hian an fimkhur lehzual phah tur thu an sawi.
Egypt-ah rel chesual, nunna chan an awm rih lo
