Bureaucrats Sukhbir Singh Sandhu leh Gyanesh Kumar te chu Election Commission of India a post ruak pahnih hnawhkhat tura thlan an ni.
A thlangtute zingah hian Lok Sabha a Congress leader Adhir Ranjan Chowdhury chu a tel ve tho a. Prime Minister Narendra Modi chuan Chief Election Commissioner Rajiv Kumar thachhangdawltu tur Election Commissioner pahnih ruatna hi kaihruaiin Chowdhury bakah Union Home Minister Amit Shah te chu an tel bawk.
Congress leader chuan Centre chu selection committee a Chief Justice of India tel ve loh nana dan thar an siam chu a sawisel na hle a. “He committee ah hian Chief Justice of India tel ve tur a ni” tia sawiin nikuma dan siam thar chu ‘fromality’ satliah tiin a sawi a. “Panel ah sorkar lamin majority an chang a, an duh duh an ti thei” tiin a sawi.
Congress leader chuan hming 212 lai a zirchian tur an committee hma zanah an pek chauh thu a sawi a. “A hma zanin Delhi ka thleng a, vawiin chhunah meeting kan nei zui a. Hming 212 min pe a, nikhat thil lekah hming 212 zirchian hman ngaihna a awm lo. Chumi hnuah meeting hma chiahin hming 6 an thurchhuah min pe leh a. Majority an nei a, an duh canddiate an thlang mai” tiin a sawi a.
Congress leader chuan a lungawilohna ziaka a dah thu sawiin EC thlanna kalpui dan chu a duhloh takzet thu a sawi bawk.
Election Commissioner pahnih ruat thar
