Power & Electricity department-in 2024- 2025 sawrkar kum atana kawlphetha hman man (electric tariff) thar a rawtna chungchanga mipui ngaihdan leh sawiselna a dawnte chu Ningani khan Joint Electricity Regulatory Commission for Manipur and Mizoram chuan a ngaithla.
JERC for Manipur and Mizoram (Multi Year Tariff) Regulations 2014-in a phut angin, P&E department hian kumtinin mipui hnena kawlphetha pek chhuah nana sum a mamawh dan (aggregate revenue requirement) leh electric current hman man bithliah (tariff) a rawtna chu JERC-ah a thehlut thin a; he rawtna hi chanchinbuah chhuahin sawiselna emaw thurawn pe duh tan hun hawn thin a ni.
Sawiselna emaw thurawn emaw pe duh chuan ziakin P&E department hnenah hun tiam chhungin an thehlut thin a. JERC hian public hearing neiin a ngaithla in a ngaihtuah thin a ni.
Public hearing hi JERC for Manipur & Mizoram chairperson R Thanga leh member Er Benjamin L Tlumtea ten an kaihruai a, ngaihdan leh rawtna ngaithla in sawi ho nghal a ni.
Electric man bithliah dan turah rawtna sawi
